Category Archives: 2 Makabee

Wɔde krataa kɔma Yudafoɔ a wɔwɔ Misraim 1 Yudafoɔ a wɔwɔ Yerusalem ne wɔn a wɔwɔ Yudea asase soɔ, Twerɛ kɔma wɔn nuanom Yudafoɔ a wɔwɔ Misraim, Yɛkyea mo, na asomdwoeɛ mapa nka mo. 2 Onyankopɔn nnom mo nnepa, na ɔnkae n’apam a ɔne Abraham, Isak, Yakob ne ne nkoa nokwafoɔ no yɛeɛ no. 3 […]

Yeremia de ntomadan, apam adaka ne afɔrebukyia no sie 1 Wɔhu no wɔ nsɛm a wɔatwerɛ ato hɔ no mu sɛ, Odiyifoɔ Yeremia hyɛɛ wɔn a na wɔretu wɔn akɔ no sɛ wɔmfa ogya no bi, sɛdeɛ wɔaka no, 2 na sɛ odiyifoɔ no de mmara no maa wɔn wieeɛ no, ɔhyɛɛ wɔn a wɔretu […]

Heliodorus bɛduru Yerusalem 1 Ɛberɛ a nnipa tete kuro kronkron wɔ asomdwoeɛ mapa mu no, ɛsiane Ɔsɔfopanin Onias nyamesompa ne kyiri a na ɔkyiri amumuyɛ, 2 ɛbaa sɛ ahemfo no ara ankasa dii beaeɛ hɔ nni ne akyɛdeɛ a ɛyɛ fɛ a wɔde hyɛɛ asɔredan mu hɔ animuonyam, 3 ma Ɔhene Seleukusa ɔfiri Asia mpo […]

Simon bɔ Onias soboɔ 1 Simon a wɔadi kan abɔ ne din, deɛ ɔkɔkaa sika no ho asɛm tiaa ne man no, ɔguu Onias din ho fi kaa sɛ, ɛyɛ ɔno ara na ɔpiapiaa Heliodorus, na ɔno ara ne mmusuo no nyinaa farebae. 2 Ɔsii ne bo kaa sɛ, ɔyɛ onipa a ɔbɔ pɔ tia […]

Yason bɔ mmɔden sɛ ɔbɛnya tumi bio 1 Saa berɛ yi ara mu na Antiokus tuu Misraim so sa ne mprenu soɔ. 2 Na ɛbaa sɛ, ɛbɛyɛ adaduanan mu no, apɔnkɔsotefoɔ a wɔhyehyɛ sika ntadeɛ bɔɔ ntoa nam wiem, wɔnam akuakuo a wɔde mpea ne nkrantɛ amia. 3 Apɔnkɔsotefoɔ akofoɔ a wɔaboa wɔn ano, sɛ […]

Wɔhyɛ Yudafoɔ som so 1 Yei akyiri no, ankyɛre koraa na ɔhene somaa Atene mmarahyɛbadwani bi sɛ ɔnkɔhyɛ Yudafoɔ so na wɔnnyae wɔn nananom mmara ahodoɔ no na wɔamfa Onyankopɔn mmara antena ase bio; 2 bio, na ɔmfa efi nka asɔredan a ɛwɔ Yerusalem no na wɔmfrɛ no Olimpia Seus, na wɔmfrɛ baako a ɛwɔ […]

Wɔku nuammarima baason bi wɔ wɔn gyidie ho 1 Ɛbaa nso sɛ, wɔkyeree nuammarima baason ne wɔn na, na ɔhene no de mmaa ne nhoma yɛɛ wɔn ayakayakadeɛ, na ɔhyɛɛ wɔn sɛ wɔnwe prakonam a mmara mma ho kwan no. 2 Wɔn mu baako a ɔyɛɛ wɔn kasamafoɔ no kaa sɛ: Ɛdeɛn na mopɛ sɛ […]

Yuda Makabeus atuateɛ 1 Afei Yuda a wɔsan frɛ no Makabeus no, ɔne n’ayɔnkofoɔ hyɛnee nkuraaseɛ hɔ kokoam, na ɔkɔfrɛfrɛɛ wɔn abusuafoɔ, na wɔtwerɛtwerɛɛ wɔn a na wɔakɔ so ara kura Yudasom gyidie mu no din, ɛno nti wɔboaboaa nnipa a wɔn dodoɔ bɛyɛ mpem nsia ano. 2 Wɔsrɛɛ Awurade sɛ ɔnhwɛ nkurɔfoɔ a nnipa […]

Antiokus Epifanes satuo a ɛtwa toɔ 1 Saa berɛ no mu, sɛdeɛ ɛsiiɛ no, na Antiokus resan n’akyi afiri Persia mantam mu wɔ sakasakayɛ mu. 2 Ɔhyɛnee kuro bi a wɔfrɛ hɔ Persepolis na ɔpɛɛ sɛ ɔbɛwia abosonnan no mu nnoɔma na wadi kuro no so. Enti nnipa no de akodeɛ pu bae bɛsii no […]

Wɔte Asɔredan no ho 1 Afei Makabeus ne n’akyidifoɔ no, Awurade dii wɔn anim gyee asɔredan no ne kuro no; 2 wɔbubuu afɔrebukyia a ananafoɔ no asisi wɔ badwa petee mu no, na wɔsan nso sɛee wɔn akronkronbea no. 3 Wɔtee kronkronbea no ho; afei, wɔde twerɛboɔ paa gya bɔɔ afɔdeɛ wɔ mfeɛ mmienu a […]